Ég lenti í því fyrir skömmu að vera labba yfir götu þegar þessi líka risa stóri Hummer flautar á mig, og ég hef aldrei heyrt annað eins flaut. Ég fann hljóðbylgjurnar skella á mér og það lá við að ég lægi kylliflatur (og já, ég pissaði næstum því á mig). Ég ákvað að kynna mér hvað væri eiginlega í gangi, hvernig stóð á því að Hummerinn gat gefið frá sér hljóð, sem Lúðrasveit Kársnesskóla væri stolt af. Kemur ekki í ljós að þetta er nýjasta hnakka-fyrirbærið hérna í USA (já það eru líka hnakkar hérna megin Atlantshafsins). Súkkulaði sætir menn með litla sál en stóra bíla eru í óðaönn að setja risavaxnar lúðra í bílana sína, eins og sjá má á netsíðum eins og hornblasters.com og hadley-products.com. Við erum ekki að tala um neinar smá flautur. Kraftmestu gerðirnar blasta um 120 desibil, sem jafnast á við hljóð í meðalstórri farþegaþotu og 130 desibil eru jafnan talin sársaukamörk. Verði mönnum að góðu.
p.s. annar hlutur í bílamenningunni, sem ég átta mig ekki á, eru bílar sem sleikja jörðina, hvað er í gangi.
, at
7:01 PM
Ég lenti í því fyrir skömmu að vera labba yfir götu þegar þessi líka risa stóri Hummer flautar á mig, og ég hef aldrei heyrt annað eins flaut. Ég fann hljóðbylgjurnar skella á mér og það lá við að ég lægi kylliflatur (og já, ég pissaði næstum því á mig).